- wöchentlichErscheinungsrhythmus
- 1 h 01typische Länge
- vor 3 Tagenletzte Folge
Gurketruppe – de Podcast womer über mässige Fuessball us Winterthur und Züri reded. De David isch Winti Fan, de Tim GC Fan. Dich erwartet Fan-Talks zu de Partie, allem rund ume und eifach Stories usem Lebe vom David und em Tim. Vill Spass bim Lose! Neui Epi immer Mäntig / Dsistig
Folgen
Ep 82 – Durchfall im Uswärtssektor
In Wil hets ordendlich geschepperet, ufem WC wie ufem Feld. Winti schlaht Wil easy mit 3:0, en entspannte David verzellt vom Uswärtsfährtli mit Komplikatione. En Tag vorher het GC dihei gege Vaduz 2:2 gspillt, zbespreche gihts aber vorallem
Ep 81 – Fundgruebe
Nach de Natipause gihts einiges zbespreche. Scho früeh het de Trainerwechsel bi GC und d Astellig vom Janssen z rede ge. Und bi Winti ischs wie e chlini Achterbahn gsi: 7:3 geg Basel, 0:3 in Neuchatel. Besproche worde sind zuedem verloreni
Ep 80 – Zeidler out
Zmizt ide Ufnahm erreicht eus e überraschendi Nachricht: De Zeidler isch nüme GC-Trainer. Empört redemer über das Ereignis, die zwei heftige Niederlage für Blauwiiss geg Sion und Luzern und au de knappi aber wichtigi und verdienti Sieg vo W
Ep 79 – Goldmine
E wahri Selteheit bide Gurketruppe: Es giht zwei Sieg z fiire. Sowohl Winti in Carouge wie au GC in Thun günned uf fremden Terrain 1:0. Zrede gebed Zemefassige, Verletzige und en Totglaubte.
Ep 78 – Unterschiedsspiller
I dere Epi luegemer uf e vollpackti Fuessballwuche zrugg. S dütliche 4:0 geg Xamax sorgt für positivi Vibes nachem 2:2 geg Mayo unter de Wuche. Und au GC lieferet grund zur Freud: Uf es 2:0 geg SG holtmer im Derby i letzter Sekunde no de ve
Ep 77 – Künstlichi Stimmig
Künstlichi Stimmig hets eigentlich keini brucht: Im CHL-Spitzespiel isches zwüsched Winti und Ouchy heiss zuegange, au GC het chöne uf vill Support zelle in Vaduz. Trotzdem isch d Bilanz ernüechternd: Winti schafft zwar i letzter Sekunde no
Ep 76 – Primarturnhalle Hinterpfupfike
De David isch zrugg us de Ferie und direkt vom Flughafe uf Rappi, wo Winti mit 2:0 günnt – s het aber au ganz anderst chöne cho. Zbrichte gihts au vode Stadionfüehrig uf de Schützewise, einige GC-Transfers und wie immer 1-2 random Stories u
Ep 75 – Schützewiese Schützefest
D Gurketruppe meldet sich us de Ferie wo au de FC Wil no zsi schint: Winti günnt locker mit 5:0 und isch so richtig ide Saison acho. GC hingege verlürt in Genf eimal meh nach Füehrig und ere guete erste Halbziit. I dere Epi dezue Powernaps
Ep 74 – Abels zu City
Es wird flissig gurkt! Zerst verlürt Winti geg de Ufstiger in Kriens mit 2:0, am Suntig kassiert GC es 4:1 vo Lugano. Trotzdem isch d Stimmig au scho schlechter gsi, i dere Epi wird Positivität versprüeht. De David verzellt zuedem vo Kriens
Ep 73 – Familie Bengondo
Die ersti Rundi vode neue Saison isch gspillt und die junge werded zum Gsprechsthema. Erst gad sis Liibli zoge, scho belohnt de Odin de David mit em erste Treffer im 2:2 geg Yverdon. Bi GC trifft ebefalls en Junior, de mitem bekannte Name B
Ep 72 – Saisonusblick XL
Gnueg über Ferie und WM gredt, mer widmed eus wieder de wichtige Sache. I dere Epi besprechemer was bi Winti und GC so alles passiert isch. Die neue Bsitzer bi GC, Testspielbricht vo Winti und ganz neui Gfühlslage vor de Saison 26 / 27.
Ep 71 – Selbst ist der Mann
Zrugg us de Summerpause redemer über d WM, was alles ide letzte paar Wuche passiert isch und bespreched 1-2 Änderige für de Podcast. Vill Spass bim Lose!
Ep 70 – Abflug
Saisonabschluss 25 / 26! GC günt d Barrage geg Aarau in Extremis und blibt dobe. S Spiel het einiges a Gsprächsstoff glieferet. Zuedem werfemer nomal en Blick uf die neuste Winti News und verabschided eus id Summerpause. Merci für de Suppor
Ep 69 – Abstiegs-Epi
De Tag isch cho: De Abstieg vom FC Winterthur staht fest. Nöd nur s Spiel gege GC, sondern au d Ussage vode Füerhig vom FCW hend z rede ge. GC het sich somit id Barrage grettet und sich mitem 0:0 in e gueti Usgangslag bracht fürs Rückspiel.
Ep 68 – Chäller Showdown
Es chunt tatsächlich nomal Füür is Spiel im Abstiegskampf: Bi GC chunt zerst Hoffnig uf, denn verlürt mer s Derby geg de FCZ doch no, Winti schlaht Lausanne nach vill Kampf. I dere Epi luegemer uf langwiligi Hopper, euphorischi Winterthurer
Ep 67 – Zwei Burkarts
D Saison neigt sich am Endi zueh und s blibt wiiterhin alles bim alte wenns um d Zürcher Clubs gaht. Winti und de FCZ trennet sich nachem spate Winterthurer Treffer mit 2:2 Unendschide – es Resultat wo niemertem würkli öppis bringt. Will au
Ep 66 – Resteverwertig
Nachem Cup-Schlamassel zrugg im Super-League Gurk: Alli eusi Teams verlüred, nüt Neus a dere Stell. Zrede gebed wiiteri Fan Protest und es spektakulärs Spiel in Schnääf. Und immer wieder Resteverwertig.
Ep 65 – Cup Halbfinal Spezial
Uf de altehrwürdige Pontaise isch einiges los gsi: Es schwachs GC verlüürt geg es guets Ouchy und das sorgt für Reaktione: D Mannschaft wird gnadelos uspfiffe und agfeindet, nachem Match wird sogar no de Mannschaftsbus agriffe. Es giht also
Ep 64 – Ouchy uswerts
D Entscheidig im Abstiegskampf isch wohl gfalle: GC günnt uswerts geg Winti mit 2:0 und sicheret sich so wohl de Barrage Platz. Ide hütige Epi lueged de David und de Tim zrugg uf de Match und disskutuiered Schiri Entscheidige, provokannti J
Ep 63 – Fiebertraum
Willkomme zrugg im Abstiegs-Podcast. Wiedermal verlüüred alli drü Zürcher Verein und chömed nöd vom Fleck. Winti zeigt zwar e aständigi Leistig, de jungi Lausanne-Agriff isch aber zvill für Lüthi und co. GC kassiert e wiiteri Flättere und d
Ep 62 – Gerald Messner
D Ziit vom Scheibi isch verbi: De Papi Sutter het de Österricher nach guet 9 Mönet im Amt entlah. Das het für vill Diskussione gsorgt und au de David und de Tim nehmed das Thema nomal uf. Bsunders prekär macht die Situation, dass GC unterem
Ep 61 – Viererkette sofort!
Während de Raphi gmüetlich sis Singha Bier in Thailand gnüsst, widmed sich de David und de Tim de Super League. GC wird zwar vo Thun grööstet, dank em Winti-Sieg in Luzern gihts aber wiedermal öppis Positivs zbespreche. Die beide reded über
Ep 60 – En Gruess us de Chuchi
E wiiteri englischi Wuche bringt de Zürcher Clubs grad mal 2 vo mögliche 18 Pünkt. Nur Winti erhöht s Punktekonto dank zwei Unentschide geg Servette und Sion inkl Buess-Hammer, de FCZ verlürt zwei Mal hinterenand ide letzte Sekunde. Bedroht
Ep 59 – Blettli Rucola
VAR-Seich und Spiel ih Unterzahl: S Wucheend het einiges z büte gha. Winti verlürt eimal meh uf bitteri Art und Wiis nachdems in St Galle lang guet usgseh het. GC günnt überraschend und zu zehnt geg Lugano, de FCZ kassiert ebefalls zu zehnt
Ep 58 – Roberto Keny
Zumindest en Teil vode 26. Rundi isch gspillt. Wiedermal en Strich dur d Rechnig macht d "Pfützewiese", s Spiel geg Thun het müese verschobe werde. Somit liht de Fokus hüt ganz ufem Zürcher Stadtderby zwüsched em GCZ und em FCZ – passend da
Ep 57 – Euromillions
Die englisch Wuche isch durre. Zum Glück chamer sege. De FC Winterthur erlebt e Horrorwuche und verlürt im Letzi 0:3 und denn im Wankdorf 1:6, da David wett am liebste gar nöd drüber rede. De Tim isch defür trotz nur eim Punkt us de Spiel g
Ep 56 – We spend to win
Ufem GC Campus wird gspendet zum winne: Nach villne Transfers sind die Wuche mitem Ngom und em Köhler zwei neui dezue cho. Mier fräged eus, wo vo chunt das Geld? Wer no paar Spiller chent bruche wär de FCZ. Eine nachem andere gaht um mit er
Ep 55 – Doktor FCZ
Wer Patient und wer Doktor isch het sich bim Spiel YB - FCZ sehr schnell zeigt. Au ohni de Brecher kassiered d Zürcher es 0:3 in Bern und baued de Gegner uf. Winti holt endlich de dritti Sieg vode Saison, schlaht Lausanne dihei und sorgt fü
Ep 54 – Gratis zum mitneh
Endlich wieder vereint! Ide hütige Episode isch de Raphi zrugg und es giht au direkt vill zbespreche wenns um de FCZ gaht: Natürlich s spektakuläre 3:4 gege Basel, aber au nebed em Platz isch wieder einiges gloffe. Nebed em FCZ verlüürt au
Ep 53 – Challenge League Vibes
D Super League Rückrundsti isch gstartet, s meiste erinneret aber ad Challenge League. Bi Winti spillt de Rase wiedermal nöd mit und s Spiel muess verschobe werde. Und GC isch de erwartet perfekti Startgegner für Thun und zeigt e miserabli
